Mudha - Mudhi Karang Taruna
Nuwun
Salam
pembuka, Bapak - bapak saha Ibu - ibu ingkang kula urmati.
Adhik - adhik
mudha - mudhi Karang Taruna ingkang kula tresnani.
Sadaya puji syukur konjuk ing
ngarsanipun Gusti Allah ingkang Maha Agung, awit sedaya sampun saged kempal ing
ngriki, saperlu ngadani pepanggihan mudha - mudhi. Punika mracihnani, bilih
sedaya taksih piayungan ing berkahipun Gusti ingkang Maha Agung.
Adhik - adhik mudha - mudhi Karang
Taruna ingkang kula tresnani, kula minangka ketua Karang Taruna ing Dhusun Suka
Mundur, rumaos suka bagya awit adhik - adhik sampun gadhah tekad kempal wonten
ing wadhah Karang Taruna punika. Punika mratandhani bilih adhik- adhik kalebet
mudha - mudhi, ingkang sadhar dhumateng maknaning kamanunggalan utawi persatuan
lan kesatuan.
Awit saking punika, kula gadhang mugi
adhik - adhik tansah nindakaken pakaryan - pakaryan ingkang saged murakabi
tumraping alam pembangunan punika. Adhik - adhik ingkang gadhah kagunan punapa
kemawon, sageda nularaken kagunan punika dhateng adhik - adhik sanes, murih
sedaya adhik - adhik saged tambah seserapanipun lan saged nambah kemajenganing
pasinaon.
Kula kinten kurang wicaksana manawi
andharan kula kathah - kathath, pramila kula cekapi semanten. Nyuwun
pangapunten.
Tidak ada komentar:
Posting Komentar